ថ្នាក់ដឹកនាំខេត្តបាត់ដំបង ទទួលជួបពិភាក្សាជាមួយប្រតិភូររដ្ឋលេខាធិការដ្ឋានអាកាសចរស៊ីវិល អំពីដំណើរការរៀបចំព្រលានយន្តហោះបាត់ដំបង

ខេត្តបាត់ដំបង៖ នៅថ្ងៃសុក្រទី០៤ ខែកញ្ញា ឆ្នាំ២០២០ លោក សឿម ប៊ុនរិទ្ធិ អភិបាលរង នៃគណៈអភិបាលខេត្តបាត់ដំបង តំណាងដ៏ខ្ពង់ខ្ពស់ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង ទទួលជួបពិភាក្សាអំពីដំណើរការរៀបចំព្រលានយន្តហោះបាត់ដំបង (ព្រលានយន្តហោះវាលបែកចាន) ជាមួយឯកឧត្តម តិក សាលី អនុរដ្ឋលេខាធិការ និងគណៈប្រតិភូររដ្ឋលេខាធិការដ្ឋានអាកាសចរស៊ីវិល នៅសាលាខេត្តបាត់ដំបង ដែលមានការអញ្ជើញចូលរួមពីលោក អភិបាលក្រុង លោកអភិបាល អភិបាលរងស្រុកសង្កែ លោកអនុប្រធានមន្ទីររៀបចំដែនដី នគរូបនីកម្មសំណង់ និងសូរិយោគដីខេត្ត លោកចៅសង្កាត់ មេឃុំ និងអ្នកព៏ន្ធមួយចំនួនទៀត។

លោក សឿម ប៊ុនរិទ្ធិ បានរាយការណ៍អំពីសកម្មភាពលទ្ធផលការងារដែលបានអនុវត្តកន្លងមក និងបញ្ហាប្រឈម រួមទាំងផែនការមួយចំនួនជូនគណៈប្រតិភូអាកាសចរស៊ីវិលផងដែរ។

ឯកឧតម តិក សាលី អនុរដ្ឋលេខាធិការអាកាសចរស៊ីវិល បានណែនាំដល់រដ្ឋបាលខេត្ត ត្រូវធ្វើការដាំបង្គោលកំណត់ព្រំដី ការចុះបញ្ជីកម្មសិទ្ធិដីធ្លីព្រលានយន្តហោះបាត់ដំបង(ព្រលានយន្តហោះវាលបែកចាន) ទៅតាមនិតីវិធីរបស់មន្ត្រីជំនាញផងដែរ។

បន្ទាប់ពីធ្វើការពិភាក្សារួចមក លោក សឿម ប៊ុនរិទ្ធិ និងគណៈប្រតិភូអាកាសចរស៊ីវិល បានចុះទៅទីតាំងព្រលានយន្តហោះ ដើម្បីពិនិត្យមើលការបោះបង្គោលព្រំដីព្រលានជាក់ស្តែង៕