អភិបាលខេត្តកោះកុង អញ្ជើញប្រគេនទេយ្យទាន និងកូនដើមជ្រៃក្រឹម រួមទាំងបច្ច័យកសាង ដល់វត្តកណ្តោល

ខេត្តកោះកុង៖ ថ្ងៃសុក្រ ទី២៨ ខែសីហា ឆ្នាំ២០២០ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អមដំណើរដោយលោក អ៊ុក ភ័ក្ត្រា អភិបាលរង នៃគណៈអភិបាលខេត្តកោះកុង បានអញ្ជើញក្នុងពិធីប្រគេនទេយ្យទាន និងកូនដើមជ្រៃក្រឹមចំនួន ៦០ ដើម រួមទាំងបច្ច័យកសាងមួយចំនួន ជូនវត្តកណ្តោល។

សូមជម្រាបថា វត្តកណ្តោល ស្ថិតនៅភូមិកណ្តោល ឃុំកណ្តោល ស្រុកបូទុមសាគរ ខេត្តកោះកុង និងមានភិក្ខុចំនួន ៩អង្គ កំពុងគង់នៅ៕